viernes, 27 de marzo de 2009

¡¡¡Xa é primavera!!!


Como no eslogan... pero cambiamos o final: ¡XA É PRIMAVERA NO CASTRO BAXOI! Así nolo recordaron a todos os máis pequerrechos de 3, 4 e 5 anos, os nenos e nenas de Primaria, os rapaces e rapazas de Secundaria e tamén algúns profes. Con poemas, debuxos e sobre todo con moita cor, moita luz e moita alegría, como mandan os canons. (Ah!... ¿que non sabedes o que son os canons, non si? :-) Pois... ¡ídevos bañar! e ¡hala, a buscar no dicionario e a ampliar léxico! que volo preguntaremos...).

martes, 17 de marzo de 2009

CHEGA A PRIMAVERA


Dentro duns poucos días chega a primavera, si. E para celebralo faremos unha exposición con todos os poemas e os debuxos das árbores que fixestes. Os nenos e nenas máis pequerrechos debuxaron unhas árbores preciosas e algúns ata fixeron un textiño entre todos. Tamén poderedes ver o libro das nosas árbores celtas (21 árbores que XA están plantadas por todo o cole grazas aos nenos e nenas de Primaria. O libriño das "nosas árbores" contén poemas de alumnos e profes, debuxos feitos por Angelina e César (4ºESO) e moitas cousas máis. Faremos un cartel para que poidades atopar as 21árbores polo recinto escolar.

sábado, 7 de marzo de 2009

Agasallos de amor


O martes, no recreo, entregaremos un agasallo e faremos unha foto a todos os que participastes na exposición de San Valentín coas vosas palabras de amor e amizade. ¡Así que vide ghuapiños-as para a fotiño!